Trotz zwifuhaftem Wätterbricht träffe sich 10 SAC-ler in Wiler im Lötschetau. Mit der Gondle u Sässu geits ueche bis ufs Hockehorn. Zoberscht geit scho e rächte Wind! Was bringter äch no?? Mit der steile Abfahrt über di schwarzi Piste wird der Puls afe einisch agregt. U de heists afähle u los. Sackhorn, Elwertätsch u Birghorn lömer links lo stoh u stige witer uf bis ufe Petersgrat. Super griffig bis steihert hets aues, je nachdäm weli richtig der hang usgrichtet isch. Aber für öpis heimer jo die Harstise mitgno! Der Wind chunnt vo hinge u d Wouke verschleiere d Sunne chli. Isch ämu nid z`warm zum Ufstige, aber für längi Pouse o nid so agnähm. Drum mache mir üs nach churzer Rascht ufem Petersgrat uf richtig Uisters Tal u Fafleralp. U scho chunnt d Sunne pünktlich fürd Abfahrt u lot üs der perfekte Sulz lo gniesse. Bis i Talbode chönnts nid besser si u när geits wine Marmelibahn um idrücklechi Lawinechegle ume bis fasch ufd Faflere. Füre Räscht bis Blatten hets zum Glück no chli Schnee uf der Löipe. Fahre so lans geit, o wes afe hert het u warm git. Cooli Tour mit guete Lüt gsi!
⇐
