Ä N D L E C H ! ! wider einisch e Sunneschyntuur – und de grad eini wo dr Name würkli verdient het ! Bi strahlendem Sunneschyn (!) si mer im Diemtigtal i zwone Gruppe gstartet: Gruppe „attaque“ het am Stand (1939m) dr Gipfuhang g …weiterlesen

Ä N D L E C H ! ! wider einisch e Sunneschyntuur – und de grad eini wo dr Name würkli verdient het ! Bi strahlendem Sunneschyn (!) si mer im Diemtigtal i zwone Gruppe gstartet: Gruppe „attaque“ het am Stand (1939m) dr Gipfuhang grad zwöimou gmacht – d „Gniesser“ heis e chli gmüetlecher agange und hei ömu ou no jede si eigeti Spur düre fäderliecht Pulver chönne zieh. Und du si mer aui zäme no uf e Buur (1948m): ou vo do isch d Abfahrt ei Troum gsi: dr Neuschnee vo geschter het glängt, und dr Himu het sech erscht wider ganz bedeckt, wo mer bi den Outo unge si gsy. 10 ufgsteuti Schytüüreler danken em Ruedi – es isch jede uf si Rächnig cho.

Annette