Wenn s Käthi zu de “sonnige Halden” ufrüeft, chömme d Oberaargouer i hälle Schare – und spränge aui Teilnämer-Limite !… Es isch aber ou e Troumtag gsi, und aui hei gwüsst, dass es der letscht schön und WARM Tag i däm Jo …weiterlesen

Wenn s Käthi zu de “sonnige Halden” ufrüeft, chömme d Oberaargouer i hälle Schare – und spränge aui Teilnämer-Limite !…  Es isch aber ou e Troumtag gsi, und aui hei gwüsst, dass es der letscht schön und WARM Tag i däm Johr wird si. Vo Hohtenn si mer gmüetlech bis Usserbärg gwanderet und natürlech gäng wider di tolli Ussicht uf d Bärge bzw. is Tal abe gnosse. Numen einisch het’s mit der Gmüetlechkeit churz ghaperet: vo s Käthi bim Beitzli i der Rarnerkumme vernoh het, dass e grosse Boum umgstürzt und der Wäg bis Riedgarte unterbrochen isch. Dr Roli und dr Ruedi si (mit ere Sagi und emene Bieli bewaffnet, wo me zwar beidi du nid het chönne bruche!) zvorus marschiert und hei vo däm düüre Boum es paar Escht abgmördet, dass me ömu du ungerem Stamm het chönne düre schnoogge. Der Räscht vo der Wanderig isch wunderschön gsi, und uf der sunnige Terrasse in Usserbärg hei mer di Wermi no richtig ygsoge, bevor mer i Zug ygstige und dür e Lötschbärg heizue gfahre si.
Im Name vo aune über 20 Teilnämer danken ig am Käthi ganz härzlech für di tolli Wanderig, wo du super vorbereitet und umsichtig gfüert hesch.                                                                                                                             Annette