Was für ne wunderschöni und churzwiligi Früeligswanderig het sech dr Roli hüür im Ämmitau usgsuecht ! Nach em kulturellen Uftakt im Schloss Trachsuwaud, won üs dr Niklaus Leuebärger sis turbulänte Läbe verzeut het, si mer a sto …weiterlesen

Was für ne wunderschöni und churzwiligi Früeligswanderig het sech dr Roli hüür im Ämmitau usgsuecht ! Nach em kulturellen Uftakt im Schloss Trachsuwaud, won üs dr Niklaus Leuebärger sis turbulänte Läbe verzeut het, si mer a stouze Burehöf und farbige Matte verby zoge bis Senggeberg, em höchschte Punkt vo üserer Wanderig. Gly drufabe hei mer aui üsi mitbrochte Würscht am Lagerfüür brötlet, sigs am Stäcke, sigs uf em Rucksackgrill. Vo däm super Ussichtspunkt us hei mer e herrleche Blick über ne Teil vom Ämmitau mit sine stotzige Chräche und schöne Hüser gha. Wyter unge hei me e churze Haut bim Zuguet gmacht, wo dr Simon Gfeller am 8. Aprüu 1868 geboren isch. E chli ne stotzigen Abstig nach Thal und nachhär en äbesöttigen Ufstieg hein üs schliesslech wieder zum Schloss Trachsuwaud gfüert. Vile Dank, Roli, für di tolli Wanderig und …. dass mer aui vo dim bsungere Droht zum Petrus hei chönne profitiere: bis am Tag vorhär: strübschti Byse und uf der Heifahrt du di erschte Rägetropfe!...
Annette